ભારતના ૧૪મા પ્રધાનમંત્રીનો આવતી કાલે સોગંદવિધિ થશે ત્યારે ભારતના પ્રથમ પ્રધાનમંત્રી જવાહરલાલ નેહરુએ ૧૯૫૧માં લખનૌ યુનિવર્સિટીમાં આપેલા પ્રવચનમાં શું કહ્યું હતું તે જાણવું જરૂરી છે. પંડિત નેહરુએ કહ્યું હતું, ‘હિન્દુ ધર્મની વિચારધારા વર્તમાન યુગ માટે બિલકુલ અયોગ્ય છે અને જો આ વિચારધારાનાં મૂળ ભારતમાં વધુ ઊંડાં જશે તો ભારતના ટુકડે ટુકડા થઈ જશે.’
એ પહેલાં ૧૯૪૯માં ફરુખાબાદની એક સભામાં પંડિત નેહરુએ કહ્યું હતું, ‘હિન્દુ સંસ્કૃતિની વાતો કરવી ભારત માટે ઘાતક પુરવાર થશે.’
૧૯૫૩માં પંડિતજીએ ડૉ. કૈલાસનાથ કાત્જુ (તે વખતના કેન્દ્રીય ગૃહમંત્રી અને સ્વાતંત્ર્ય સેનાની)ને એક પત્રમાં લખ્યું હતું, ‘ભારતનો એક સામાન્ય હિન્દુ દેશની અન્ય કોઈ પણ વ્યક્તિ કરતાં વધુ અસહિષ્ણુ અને વધુ સંકુચિત છે.’
દેશને આઝાદી મળ્યાના ગાળામાં જ પંડિતજીએ એક જાહેરસભામાં કહ્યું હતું, ‘હું જ્યાં સુધી ભારતનો પ્રધાનમંત્રી છું ત્યાં સુધી ભારતને હિન્દુ રાષ્ટ્ર નહીં બનવા દઉં.’
અને પંડિત જવાહરલાલનું આ ખૂબ જાણીતું વિધાન સૌને યાદ હશે: ‘હું શિક્ષણથી અંગ્રેજ છું, વિચારોથી આંતરરાષ્ટ્રીય છું, સંસ્કૃતિથી મુસલમાન છું અને માત્ર જન્મના અકસ્માતથી હિન્દુ છું.’
આપણી પાસે બે વિકલ્પો છે. એક આપણા પ્રથમ પ્રધાનમંત્રીને પગલે ચાલવાનો અને બીજો આપણા ૧૪મા પ્રધાનમંત્રીને પગલે ચાલવાનો જેઓ પોતે સ્વામી વિવેકાનંદને અનુસરી રહ્યા છે જેમના છેલ્લા બે મહિના દરમ્યાનના ડઝનથી વધુ ટીવી ઈન્ટરવ્યૂઝ વખતે બેકગ્રાઉન્ડમાં વિવેકાનંદની લાંબી પ્રતિમા સ્પષ્ટ જોવા મળતી.
એક વિકલ્પ કહે છે કે જો હિન્દુત્વનું નામ લીધું છે તો તૂટી જશો, ફેંકાઈ જશો, છિન્નભિન્ન થઈ જશો, ટુકડે ટુકડા થઈ જશે તમારા.
બીજો વિકલ્પ કહે છે કે હિન્દુ ધર્મ તમારા રાષ્ટ્રના અને તમારા પોતાના અસ્તિત્વનો આધાર છે.
સ્વામી વિવેકાનંદ કહે છે કે હિન્દુ રાષ્ટ્રે જગત આખાને સહિષ્ણુતા શીખવાડી. પણ પંડિતજી કહે છે કે હિન્દુ જેવા કટ્ટરવાદી અને અસહનશીલ માણસ તમને બીજે ક્યાંય જોવા નહીં મળે.
સ્વામી વિવેકાનંદ આઝાદી પછી કૉંગ્રેસના છ દાયકાના રાજમાં ભુલાઈ ગયા, કારણ કે તેઓ ભારતના વડા પ્રધાન નહોતા, કારણ કે તેઓ પોતાના અનુયાયીઓને હજારો કરોડો રૂપિયાના ભ્રષ્ટાચારમાં પ્રોટેક્ટ કરી શકવાના નહોતા, કારણ કે એમના વિચારોની વિકૃત રજૂઆત કરવામાં હિન્દુદ્વેષીઓએ કોઈ કમી રાખી નહીં.
પંડિતજી સૌને યાદ છે, કારણ કે ભારતના પ્રથમ વડા પ્રધાન તરીકેના દોઢ દાયકા દરમ્યાન એમણે આ દેશના જનમાનસને સરકારી તંત્રના દુરુપયોગ દ્વારા અભણ રાખ્યું અને જ્યાં શિક્ષણ અપાયું ત્યાં હિન્દુદ્વેષી શિક્ષણ અપાયું, કારણ કે નેહરુના પુત્રી તથા દોહિત્રે તથા દોહિત્રવધૂએ દાયકાઓ દરમ્યાન પોતાના પૂર્વજે આદરેલાં અધૂરાં કામોને પૂરાં કર્યાં. કારણ કે નહેરુવંશીઓએ દાયકાઓ દરમ્યાન નેહરુના પગલે ચાલીને હિન્દુસ્તાનમાંથી હિન્દુત્વને નષ્ટ-ભ્રષ્ટ કરી નાખવાની ઝુંબેશ ચલાવી.
પંદરમી ઑગસ્ટ, ૧૯૪૭થી ૨૦૧૪ની પંદરમી મે સુધીનાં ૬૭ વર્ષ દરમ્યાન આપણે માનતા રહ્યા કે આપણે સ્વતંત્ર થઈ ગયા છીએ, આઝાદ છીએ. હિન્દુ રાષ્ટ્ર ૧૫ મે, ૨૦૧૪ સુધી માનસિક રીતે સ્વતંત્ર નહોતું, પરાધીન હતું. ૧૫ ઑગસ્ટ, ૧૯૪૭ના રોજ અંગ્રેજોએ આપણને આઝાદી નહોતી આપી, માત્ર સત્તાનો ફેરબદલો (ટ્રાન્સફર ઓફ પાવર) થયો એ દિવસે. પરાધીન હિન્દુ રાષ્ટ્રની સત્તા અંગ્રેજોને બદલે કૉંગ્રેસીઓના હાથમાં ગઈ. પરાધીનતા યથાવત્ રહી. માલિક બદલાયા પણ ગુલામી કાયમ રહી.
૨૩ જૂન, ૧૭૫૭માં પ્લાસીના યુદ્ધ પછી મુસલમાન શાસકોને બદલે અંગ્રેજ શાસકોના હાથમાં હિન્દુ રાષ્ટ્રની સત્તા આવી ત્યારે શું કોઈએ કહ્યું હતું કે આ ટ્રાન્સફર ઓફ પાવરને કારણે આપણને આઝાદી મળી ગઈ. ૧૯૪૭માં અંગ્રેજ નામનો જૂનો માલિક નવા શાસકના હાથમાં સત્તા સોંપીને વતન પાછો જતો રહ્યો છતાં હિન્દુ રાષ્ટ્રના હાથમાં સત્તા ન આવી, કારણ કે જે નવા શાસકે સત્તાની ધુરા સંભાળી એને ન તો હિન્દુની રાષ્ટ્રીયતામાં વિશ્ર્વાસ હતો, ન એ પોતાને હિન્દુ રાષ્ટ્રનો અવિભાજ્ય અંશ માનતા, કારણ કે એમના જ શબ્દોમાં એ પોતે ‘માત્ર જન્મના અકસ્માતથી હિન્દુ’ હતા.
૧૯૪૭ના ઑગસ્ટમાં અવિભાજિત ભારતમાંના મુસલમાન રાષ્ટ્રને સ્વતંત્રતા મળી ગઈ, પણ હિન્દુ રાષ્ટ્રને ન મળી. મુસલમાનો માટેના અલગ રાષ્ટ્રને માન્યતા મળી ગઈ, એમના માટે એક હોમલેન્ડના નામે અલગ ભૂખંડ નક્કી થઈ ગયો જેના પર એમનું રાજ હોય, જ્યાં તેઓ પોતાની આકાંક્ષા, પોતાની સંસ્કૃતિ અને પોતાની મરજી મુજબનું ભવિષ્ય ઘડી શકે. પણ હિન્દુઓને એવું રાષ્ટ્ર ન મળ્યું, પોતાની માતૃભૂમિ પરનું નિયંત્રણ એમને ન મળ્યું.
સેક્યુલરો સવાલ કરે છે કે હિન્દુસ્તાનમાં ભારતીયો જ શાસન કરે છે તો પણ તેમને કેમ આવું લાગે છે? આપણે આ સેક્યુલરોને પૂછીએ કે ઈદી અમીન યુગાન્ડાનો જ નાગરિક હતો. એના શાસનમાં યુગાન્ડાવાસીઓ સ્વતંત્ર હતા?
૧૫મી મે, ૨૦૧૪ના રોજ ભારતમાં એક યુગ પૂરો થયો. ૧૬મીએ નવા યુગનો જન્મ થયો. આ એ યુગ છે જ્યાં વડા પ્રધાન બનવાના સોગંદ લેનાર વ્યક્તિ ચાદર ચડાવવાને બદલે મા ગંગાની આરતી કરવા પહોંચી જાય છે.
---------------
કાગળ પરના દીવા
પ્રારબ્ધને અહીંયાં ગાંઠે કોણ?
હું પડકાર ઝીલનારો માણસ છું.
હું તેજ ઉછીનું લઉં નહીં.
હું જાતે બળતું ફાનસ છું.
ઝળાહળાંનો મોહતાજ નથી.
મને મારું અજવાળું પૂરતું છે.
અંધારાના વમળને કાપે,
કમળ તે જ તો સ્ફૂરતું છે.
ધુમ્મસમાં મને રસ નથી.
હું ખુલ્લો અને નિખાલસ છું.
કુંડળીને વળગવું ગમે નહીં
ને ગ્રહો કને શિર નમે નહીં,
કાયરોની શતરંજ પર
જીવ સોગઠાબાજી રમે નહીં.
હું પોતે જ મારો વંશજ છું.
હું પોતે મારો વારસ છું.
પ્રારબ્ધને અહીંયાં ગાંઠે કોણ?
હું પડકાર ઝીલનારો માણસ છું.
- નરેન્દ્ર મોદી
------------
સન્ડે હ્યુમર
સોનિયાજી: આનંદી હવે ગુજરાતની મુખ્યમંત્રી બનશે...
રાહુલબાબા: તો શું ‘બાલિકા બધુ’ બંધ થઈ જશે.
એ પહેલાં ૧૯૪૯માં ફરુખાબાદની એક સભામાં પંડિત નેહરુએ કહ્યું હતું, ‘હિન્દુ સંસ્કૃતિની વાતો કરવી ભારત માટે ઘાતક પુરવાર થશે.’
૧૯૫૩માં પંડિતજીએ ડૉ. કૈલાસનાથ કાત્જુ (તે વખતના કેન્દ્રીય ગૃહમંત્રી અને સ્વાતંત્ર્ય સેનાની)ને એક પત્રમાં લખ્યું હતું, ‘ભારતનો એક સામાન્ય હિન્દુ દેશની અન્ય કોઈ પણ વ્યક્તિ કરતાં વધુ અસહિષ્ણુ અને વધુ સંકુચિત છે.’
દેશને આઝાદી મળ્યાના ગાળામાં જ પંડિતજીએ એક જાહેરસભામાં કહ્યું હતું, ‘હું જ્યાં સુધી ભારતનો પ્રધાનમંત્રી છું ત્યાં સુધી ભારતને હિન્દુ રાષ્ટ્ર નહીં બનવા દઉં.’
અને પંડિત જવાહરલાલનું આ ખૂબ જાણીતું વિધાન સૌને યાદ હશે: ‘હું શિક્ષણથી અંગ્રેજ છું, વિચારોથી આંતરરાષ્ટ્રીય છું, સંસ્કૃતિથી મુસલમાન છું અને માત્ર જન્મના અકસ્માતથી હિન્દુ છું.’
આપણી પાસે બે વિકલ્પો છે. એક આપણા પ્રથમ પ્રધાનમંત્રીને પગલે ચાલવાનો અને બીજો આપણા ૧૪મા પ્રધાનમંત્રીને પગલે ચાલવાનો જેઓ પોતે સ્વામી વિવેકાનંદને અનુસરી રહ્યા છે જેમના છેલ્લા બે મહિના દરમ્યાનના ડઝનથી વધુ ટીવી ઈન્ટરવ્યૂઝ વખતે બેકગ્રાઉન્ડમાં વિવેકાનંદની લાંબી પ્રતિમા સ્પષ્ટ જોવા મળતી.
એક વિકલ્પ કહે છે કે જો હિન્દુત્વનું નામ લીધું છે તો તૂટી જશો, ફેંકાઈ જશો, છિન્નભિન્ન થઈ જશો, ટુકડે ટુકડા થઈ જશે તમારા.
બીજો વિકલ્પ કહે છે કે હિન્દુ ધર્મ તમારા રાષ્ટ્રના અને તમારા પોતાના અસ્તિત્વનો આધાર છે.
સ્વામી વિવેકાનંદ કહે છે કે હિન્દુ રાષ્ટ્રે જગત આખાને સહિષ્ણુતા શીખવાડી. પણ પંડિતજી કહે છે કે હિન્દુ જેવા કટ્ટરવાદી અને અસહનશીલ માણસ તમને બીજે ક્યાંય જોવા નહીં મળે.
સ્વામી વિવેકાનંદ આઝાદી પછી કૉંગ્રેસના છ દાયકાના રાજમાં ભુલાઈ ગયા, કારણ કે તેઓ ભારતના વડા પ્રધાન નહોતા, કારણ કે તેઓ પોતાના અનુયાયીઓને હજારો કરોડો રૂપિયાના ભ્રષ્ટાચારમાં પ્રોટેક્ટ કરી શકવાના નહોતા, કારણ કે એમના વિચારોની વિકૃત રજૂઆત કરવામાં હિન્દુદ્વેષીઓએ કોઈ કમી રાખી નહીં.
પંડિતજી સૌને યાદ છે, કારણ કે ભારતના પ્રથમ વડા પ્રધાન તરીકેના દોઢ દાયકા દરમ્યાન એમણે આ દેશના જનમાનસને સરકારી તંત્રના દુરુપયોગ દ્વારા અભણ રાખ્યું અને જ્યાં શિક્ષણ અપાયું ત્યાં હિન્દુદ્વેષી શિક્ષણ અપાયું, કારણ કે નેહરુના પુત્રી તથા દોહિત્રે તથા દોહિત્રવધૂએ દાયકાઓ દરમ્યાન પોતાના પૂર્વજે આદરેલાં અધૂરાં કામોને પૂરાં કર્યાં. કારણ કે નહેરુવંશીઓએ દાયકાઓ દરમ્યાન નેહરુના પગલે ચાલીને હિન્દુસ્તાનમાંથી હિન્દુત્વને નષ્ટ-ભ્રષ્ટ કરી નાખવાની ઝુંબેશ ચલાવી.
પંદરમી ઑગસ્ટ, ૧૯૪૭થી ૨૦૧૪ની પંદરમી મે સુધીનાં ૬૭ વર્ષ દરમ્યાન આપણે માનતા રહ્યા કે આપણે સ્વતંત્ર થઈ ગયા છીએ, આઝાદ છીએ. હિન્દુ રાષ્ટ્ર ૧૫ મે, ૨૦૧૪ સુધી માનસિક રીતે સ્વતંત્ર નહોતું, પરાધીન હતું. ૧૫ ઑગસ્ટ, ૧૯૪૭ના રોજ અંગ્રેજોએ આપણને આઝાદી નહોતી આપી, માત્ર સત્તાનો ફેરબદલો (ટ્રાન્સફર ઓફ પાવર) થયો એ દિવસે. પરાધીન હિન્દુ રાષ્ટ્રની સત્તા અંગ્રેજોને બદલે કૉંગ્રેસીઓના હાથમાં ગઈ. પરાધીનતા યથાવત્ રહી. માલિક બદલાયા પણ ગુલામી કાયમ રહી.
૨૩ જૂન, ૧૭૫૭માં પ્લાસીના યુદ્ધ પછી મુસલમાન શાસકોને બદલે અંગ્રેજ શાસકોના હાથમાં હિન્દુ રાષ્ટ્રની સત્તા આવી ત્યારે શું કોઈએ કહ્યું હતું કે આ ટ્રાન્સફર ઓફ પાવરને કારણે આપણને આઝાદી મળી ગઈ. ૧૯૪૭માં અંગ્રેજ નામનો જૂનો માલિક નવા શાસકના હાથમાં સત્તા સોંપીને વતન પાછો જતો રહ્યો છતાં હિન્દુ રાષ્ટ્રના હાથમાં સત્તા ન આવી, કારણ કે જે નવા શાસકે સત્તાની ધુરા સંભાળી એને ન તો હિન્દુની રાષ્ટ્રીયતામાં વિશ્ર્વાસ હતો, ન એ પોતાને હિન્દુ રાષ્ટ્રનો અવિભાજ્ય અંશ માનતા, કારણ કે એમના જ શબ્દોમાં એ પોતે ‘માત્ર જન્મના અકસ્માતથી હિન્દુ’ હતા.
૧૯૪૭ના ઑગસ્ટમાં અવિભાજિત ભારતમાંના મુસલમાન રાષ્ટ્રને સ્વતંત્રતા મળી ગઈ, પણ હિન્દુ રાષ્ટ્રને ન મળી. મુસલમાનો માટેના અલગ રાષ્ટ્રને માન્યતા મળી ગઈ, એમના માટે એક હોમલેન્ડના નામે અલગ ભૂખંડ નક્કી થઈ ગયો જેના પર એમનું રાજ હોય, જ્યાં તેઓ પોતાની આકાંક્ષા, પોતાની સંસ્કૃતિ અને પોતાની મરજી મુજબનું ભવિષ્ય ઘડી શકે. પણ હિન્દુઓને એવું રાષ્ટ્ર ન મળ્યું, પોતાની માતૃભૂમિ પરનું નિયંત્રણ એમને ન મળ્યું.
સેક્યુલરો સવાલ કરે છે કે હિન્દુસ્તાનમાં ભારતીયો જ શાસન કરે છે તો પણ તેમને કેમ આવું લાગે છે? આપણે આ સેક્યુલરોને પૂછીએ કે ઈદી અમીન યુગાન્ડાનો જ નાગરિક હતો. એના શાસનમાં યુગાન્ડાવાસીઓ સ્વતંત્ર હતા?
૧૫મી મે, ૨૦૧૪ના રોજ ભારતમાં એક યુગ પૂરો થયો. ૧૬મીએ નવા યુગનો જન્મ થયો. આ એ યુગ છે જ્યાં વડા પ્રધાન બનવાના સોગંદ લેનાર વ્યક્તિ ચાદર ચડાવવાને બદલે મા ગંગાની આરતી કરવા પહોંચી જાય છે.
---------------
કાગળ પરના દીવા
પ્રારબ્ધને અહીંયાં ગાંઠે કોણ?
હું પડકાર ઝીલનારો માણસ છું.
હું તેજ ઉછીનું લઉં નહીં.
હું જાતે બળતું ફાનસ છું.
ઝળાહળાંનો મોહતાજ નથી.
મને મારું અજવાળું પૂરતું છે.
અંધારાના વમળને કાપે,
કમળ તે જ તો સ્ફૂરતું છે.
ધુમ્મસમાં મને રસ નથી.
હું ખુલ્લો અને નિખાલસ છું.
કુંડળીને વળગવું ગમે નહીં
ને ગ્રહો કને શિર નમે નહીં,
કાયરોની શતરંજ પર
જીવ સોગઠાબાજી રમે નહીં.
હું પોતે જ મારો વંશજ છું.
હું પોતે મારો વારસ છું.
પ્રારબ્ધને અહીંયાં ગાંઠે કોણ?
હું પડકાર ઝીલનારો માણસ છું.
- નરેન્દ્ર મોદી
------------
સન્ડે હ્યુમર
સોનિયાજી: આનંદી હવે ગુજરાતની મુખ્યમંત્રી બનશે...
રાહુલબાબા: તો શું ‘બાલિકા બધુ’ બંધ થઈ જશે.
No comments:
Post a Comment